Читаются в Пасхальную Седмицу

(до утра субботы включительно)

вместо утренних и вечерних молитв

(молитвенного правила).
 

[показать]

Молитвословия Часов Пасхальных:

Молитвами святых отцев наших, Господи Иисусе Христе, помилуй нас.

Аминь.

[показать]

Тропарь:
Христос воскресе из мертвых, смертию смерть поправ, и сущим во гробех живот даровав.

(Трижды)

[показать]

Воскресение Христово видевше,

поклонимся святому Господу Иисусу, Единому Безгрешному.

Кресту Твоему поклоняемся, Христе, и святое Воскресение Твое поем и славим.

Ты бо еси Бог наш, разве Тебе иного не знаем, имя Твое именуем. Приидите вси вернии, поклонимся святому Христову Воскресению: се бо прииде Крестом радость всему миру.

Всегда благословяще Господа, поем Воскресение Его: распятие бо претерпев, смертию смерть разруши.

(трижды)

[показать]

Ипакои:

(разновидность церковного молитвословия)

Предварившия утро яже о Марии, и обретшия камень отвален от гроба, слышаху от Ангела: во свете присносущнем Сущаго, с мертвыми что ищете яко человека?

Видите гробныя пелены, тецыте и миру проповедите, яко воста Господь, умертвивый смерть, яко есть Сын Бога, спасающего род человеческий.

[показать]

Кондак:

Аще и во гроб снизшел еси, Безсмертне, но адову разрушил еси силу, и воскресл еси яко Победитель, Христе Боже, женам мироносицам вещавый:

Радуйтеся!, и Твоим апостолом мир даруяй, падшим подаяй воскресение.

Во гробе плотски, во аде же с душею яко Бог, в раи же с разбойником, и на Престоле был еси, Христе, со Отцем и Духом, вся исполняяй, неописанный.

[показать]



Слава Отцу и Сыну и Святому Духу:

Яко Живоносец, яко рая краснейший, воистинну и чертога всякаго царскаго показася светлейший, Христе, гроб Твой, источник нашего Воскресения.

И ныне и присно и во веки веков.

Аминь.

[показать]

Вышняго освещенное Божественное селение, радуйся: Тобою бо дадеся радость, Богородице, зовущим: благословенна Ты в женах еси, Всенепорочная Владычице.
 

Господи помилуй. (cорок раз)

[показать]

Слава Отцу и Сыну и Святому Духу, и ныне и присно, и во веки веков.

Аминь.

[показать]

Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.

Христос воскресе из мертвых, смертию смерть поправ и сущим во гробех живот даровав. (трижды)

[показать]

Молитвами святых отцев наших, Господи Иисусе Христе, помилуй нас.

Аминь.