• Авторизация
Дневник otec_Leonid Лента друзей - Дневник - Полная версия


Без заголовка 11-11-2010 21:13 к комментариям - к полной версии - понравилось!

Это цитата сообщения RaVISsant__TaTi_ Оригинальное сообщение

Молитвы при рождении младенца.

 

 
 
     [400x400]         
 
Молитвы
 

при рождении младенца , после родов. 

***
 
 Молитва .
 
Владыка Господи  Вседержиелю , исцеляяй всякий недуг , и всякую язю , Сам и сию днесь родившую рабу Твою ( имя ), исцели и возстави от одра , на немже лежит : зане , по пророка Давида словеси , в беззакониих зачахомся , и сквернави вси есмы пред Тобою. Сохрани сию , и сего младенца , егоже роди , покрый ю под кровом крилу Твоею от днешняго дне даже до последняго ея скончания молитвами Пречистыя Богородицы , и всех святых : яко благословен еси во веки веков. Аминь.
 
 
 Молитва.
 
Владыко Господи Боже наш, родивыйся от Пречистыя Владычицы нашея Богородицы , и Приснодевы Марии , и яко младенец во яслех возлегий , и яко деищ восприемлем бывый. Сам и сию рабу Твою ( имя) , днесь родившую сие отроча , помилуй , и прости вольная и невольная ея прегрешения : и сохрани ю от всякаго диаволькаго мучительства , и из нея рожденнаго младенца соблюди от всякаго яда , от всякия лютости , от всякия бури сопротивнаго , от духов лукавых , дневных же и нощных. Сию же соблюди под державною рукою Твоею : и даждь ей скорое востание , и от скверны очисти, и болезни исцели , и здравие , и благомощие души же и телу даруй , и ангелы светлыми и сияющими сию огради : и соблюди от всякаго наития невидимых духов , ей Господи , от недуга и слабости , от ревности и зависти , от очес призора и помилуй ю , и младенца , по велицей милости Твоей и очисти ю от телесныя скверны , и различных ей находящих утробных стужений . И изведи ю скорою милостию твоею во смиреном ея теле во исправление : и из нея рожденнаго младенца сподоби поклонитися земному храму , егоже уготовал еси славословитися Имени Твоему Святому.
Яко подобает Тебе всякая слава , честь и поклонение , Отцу , и Сыну , и Святому Духу , ныне и присно и во веки веков. Аминь.
 
Молитва.
 
Господи Боже наш, благоволивый снити с небес , и родитися от Святыя Богородицы и Приснодевы Марии , спасения ради нас грешных , ведый немощное человеческаго естества , прости рабе Твоей ( имя ) , днесь родившей , по множеству щедрот Твоих . Ты бо рекл еси , Господи : раститеся и умножитеся , и исполните землю , и обладайте ею. Сего ради и мы , раби Твои , молимся , и дерзающе незлобивым Твоим человеколюбием , со страхом вопием к Царствия Твоего Святому Имени: призри с небесе и виждь немощь нас осужденных , и прости рабе Твоей сей ( имя ) , и всему дому , в немже родися отроча , и прикоснувшымся ей , и зде обретающымся всем , яко Благ и Человеколюбец Бог прости : яко Един имаши власть оставляти грехи , молитвами Пресвятыя Богородицы и всех святых Твоих . Аминь.
 
 
        [500x30]
 

 

 

 

вверх^ к полной версии понравилось! в evernote


Вы сейчас не можете прокомментировать это сообщение.

Дневник Без заголовка | otec_Leonid - Дневник otec_Leonid | Лента друзей otec_Leonid / Полная версия Добавить в друзья Страницы: раньше»