[700x497]
Боже, в помощь мою вонми, Господи, помощи ми потщися. Управи, Господи, все, еже дею, читаю и пишу, все, еже мыслю, глаголю и разумею, во славу Имене Твоего Святаго, да от Тебе на начало приемлет и в Тебе всяко дело мое кончится. Даруй ми, Боже, да ни словом, ни делом, ни помышлением прогневаю Тя, Создателя моего, но вся дела моя, советы и помышления да будут во славу Пресвятаго Имене Твоего. Боже, в помощь мою вонми, Господи, помощи ми потщися.