Это цитата сообщения alexandre75 Оригинальное сообщение

СЛОВО О ЗЛЫХ ЖЕНАХ / в составе Изборника 1073 г., Златоструя, Пролога, Измарагда

А СѢ О ЗЛЫХ ЖЕНАХ

Что есть зла жена? Око дияволе, торгъ адовъ, сквѣрнамъ царь, воевода неправдамъ, стрела сотонина, и уязвляющи многымъ сердце.
Что есть жена? Сѣть утворена, прелщающи человекы въ сластех: свѣтлымъ убо лицем и высокыма очима намизающи, ланитома склабящися, языкомъ поющи, словесы чарюющи, ризы повлачащи, ногама играющи, дѣлы убивающи. Темъ глаголеть: «Въ добротѣ женьстѣй мнози погыбоша, и от того любы яко огнь възгараеться».
Что есть жена зла? Кладязь смрадѣнь, стрѣла съ чемеремь, вѣтръ сѣвѣръ, день невѣдрѣнъ, пустота дому, бѣшена сука, неистова коза.
Нѣкто вънидѣ въ богатъ домъ къ вдовѣ и оженися ею, но бяше зла. И людие хваляху ему, он же рече: «Не нынѣ хвалитѣ ми, но егда избуду ея».

Нѣкому досажаше жена, кленущи смертию и всеми злобами по вся дни, мужеви же недоумѣющу, чего домыслитися о семь. И присуну к собѣ немощь злу и възлегъ ниць, завъпи. Она же нача плакатися по нем. Мужь же въсклонився рече ей: «Почто, оканная, плачеши мене, а по вся дни смертию клѣнущи?» И, въставъ, имъ ю за власы, нача бити ю дрѣвом и пусти едва живу. Она же оттолѣ нача не кляти мужа своего.

Нѣкому умре жена зла. Он же по малѣх днехъ нача запродавати дѣти ея. Людие же клѣняху его, он же рече: «Боюся, еда како и сии въ матерь будут, да некако възрастъсше, мене продадуть».

Сей рече, плачася по зле жене: «Не сего плачюся, зане умре ми жена, но сего плачюся, аще такова будеть и другая!»

http://lib.pushkinskijdom.ru/Default.aspx?tabid=5076
[386x500]