Величание Рождеству Пресвятой Богородицы

Величаем Тя, /
Пресвятая Дево, /
и чтем святых твоих родителей, /
и всеславное славим /
Рождество Твое.

Тропарь Рождеству Пресвятой Богородицы

Рождество Твое, Богородице Дево, /
радость возвести всей вселенней: /
из Тебе бо возсия Солнце правды Христос Бог наш, /
и разрушив клятву, даде благословение, /
и упразднив смерть, дарова нам живот вечный.

Тропарь предпразднству

От корене Иессеева и от чресл Давидовых, /
Богоотроковица Мариам раждается днесь нам: /
радостию бо радуются всяческая и обновляются. /
Срадуйтеся купно, небо и земля, /
восхвалите Ю отечествия языков. /
Иоаким веселится и Анна торжествует, зовущи: /
неплоды раждает Богородицу, и Питательницу Жизни нашея.