Блін. Накатала цэлы пост і раптам яго выдаліла =(( Таму ячшэ раз, але скарочана (фу, крыўдна)

Наогул не чакала, што будзе столькі людзей! Пэўна, у адну ноч прыйшло больш, чым за цэлы год )  + большая частка яшчэ і не трапіла! Толькі з-за нашае нахабнасці і бессаромнасці разлічансці і кемлівасці мы паспелі праціснуліся.

Спачатку праглядзелі асноўныя залы. Абяцаныя "жывыя карціны" не так уразілі, як чакалася. Потым быў Пікасо - мабыць, гэта з-за недахопу ведаў (хутчэй за ўсё), але я пакуль да яго не дарасла. Але цалкам спадабалася.

Але вось што-што запомнілася, так гэта Слуцкія паясы! Па кніжках іх як хочаш можаш уяўляць, але тут як нідзе працуе прымаўка "лепш адзін раз пабачыць, чым сто раз пачуць" Як бы пафасна ні гучала, але не веру што такія шэдэўры былі зробленыя больш за 400 год таму на нашае зямлі.

стомленыя, але шчаслівыя (а было толькі 11) накіроўваліся ў наступны музей. Але нават марозіва не ўзнавіла працаздольнаці нашых ног, і, пабадзяўшыся яшчэ з гадзінку па начным Менску, пайшлі дадому. Прыемна было пабачыць хоць раз на год такую колькасць людзей у белым )

Наогул, прыемна, што хоць пакрысе ў Менску абуджаецца культурнае жыццё )