Ты пакліч мяне. Пазаві.
Там заблудзімся ў хмельных травах.
Пачынаецца ўсе з любві,
Нават самая простая ява.
І тады душой не крыві,
На дарогах жыцця шырокай
Пачынаецца ўсе з любві –
Першы поспех і першыя крокі.
Прыручаюцца салаўі
Там дзе выбеглі удаль канавы...
Пачынаецца ўсе з любві
Адчужджэнне і боль і нянавісць....
Ты пакліч мяне. Пазаві.
Сто дарог за маімі плячыма,
Пачынаецца ўсе з любві
А інакш і жыць не магчыма...

Яўгунія Янішчыц