Прадстаўніца па нацыянальным адраджэнні Кабінета Аліна Коўшык — пра смерць палітвязня, мастака Алеся Пушкіна:

«Нам мала што вядома пра яго трагічны адыход, акрамя таго, што ён адбыўся ў рэанімацыі. Прыпіска «пры нявысветленых абставінах» у журналісцкіх паведамленнях — гэта не толькі прыкмета цяперашняга часу, а яшчэ і чарговае, вельмі канкрэтнае сведчанне злачыннасці рэжыму Лукашэнкі і яго сістэмы па знішчэнні найлепшых людзей краіны.

Я не ведала Алеся асабіста, але па яго творах мы бачым, якім шчырым, глыбокім, адкрытым, разумным і адораным чалавекам ён быў. Асабіста я не магу забыць яго першыя перформансы — бойкія палітычныя выказванні, якія можа дазволіць сабе толькі сапраўды вольны і незалежны мастак.

Яго папросту забілі ў турме — і гэта страшна балюча. Ці можна змірыцца з гэтым? Не. Ці можна змагацца са злачынным рэжымам? Так. І самае малое, што мы можам зрабіць: захаваць памяць аб Алесю і выказаць салідарнасць з яго сям'ёй»

@CabinetBelarus