[показать]
Lasselanta lassequellëa
Vanta-lelya malinkollasse
Aldëonissen sa nende an
Lanta miste imík’ olbassen,
Lilta liltale yo súre
Viltala i lassi hesse.
Lotiel i nilde lótion
Líra i túluva Heskil,
Mere kenien i lómesse
Isil kiryala lumborissen,
Ya antuva i olóri sen
Lairéva entulessëo.






Lasselanta lassequellëa
Quanta kelya sír’ Endoresse,
Lilta-lelya penda rávasse,
Anta lassi nenin móresse:
Lassi ornion i nillëa
Nenissen ve lunti mallesse,
Kiryala i háya nórenna
Ëarissen pella ránesse -
Eressëa vanya lóna,
Yasse lassi úvar fire
Oiolairesse vorima:
Sin i síre quilda líra.

Aiwe