[показать]
საუბარი რელიგიაზე: ქართველების უძველესი რელიგია - წარმართობა
საუკუნეების წინ, ერთმა უცხოელმა მისიონერმა, რომლის სახელსაც, დღესაც კი ასიათასამდე ქართველი ქალი ატარებს, საქართველოში აბსოლუტურად უცხოური რელიგია შემოიტანა და გაავრცელა.
არავისთვის არის დასამალი, რომ ჩვენი ქვეყნის მოქალაქეთა დიდი ნაწილი, თავს მხოლოდ იმიტომ მიიჩნევს ამ რელიგიის მიმდევრად, რომ მისი წინაპრები, მამები და მამათა მამები სწორედ მას მისდევდნენ. მაგრამ თუ ეს ერთადერთი არგუმენტია იმისთვის, რატომ უნდა ვიყოთ ქრისტიანები, ხომ არ ჯობია, წავიდეთ კიდევ უფრო უკან? მაგალითად იმ დროში, როცა ჩვენი წინაპრები გვიანდელი ისტორიული წყაროების თანახმად, ფარნავაზის მიერ შემოტანილ და დანერგილ არმაზს ეთაყვანებოდნენ? თუ ჭეშმარიტება არის იქ, სადაც შენი წინაპარია, მაშინ აქ არჩევანის გაკეთება მოგვიწევს - ბერძენი ქალის მიერ ნაქადაგები ებრაული რელიგია, თუ ქართველების მიერ შექმნილი, ნამდვილი ქართველი ღმერთი? ან გნებავთ, არაქართული, მაგრამ უფრო ადრეული წინაპრების მიერ აღიარებული.
დღეს ჩვენ ისტორიკოს რამაზ ფარესაშვილთან ერთად შევეცდებით გავარკვიოთ, როგორი იყო ქართველთა რელიგია - ნინომდე და ნინოს შემდეგ. ვინ ან რანი არიან ქართველების მიერ შექმნილი ღვთაებები, რა შეუძლიათ მათ და როგორ გამოიყურება ამ ღვთაებების მიერ დაკომპლექტებული კოსმოსი.