Преподобному Иосифу Волоцкому дана особая благодать исцелять от онкологических заболеваний и избавлять от морока (помрачения рассудка).
Дни памяти: 9 (22) сентября, 18 (31) октября
7 декабря 2009 года по благословению патриарха Кирилла Иосиф Волоцкий был объявлен покровителем православного предпринимательства и хозяйствования
Тропарь преподобного Иосифа. глас 5:
Яко постников удобрение/ и отцев красоту,/ милости подателя,/ разсуждения светильника,/ вси вернии, сошедшеся, восхвалим/ кротости учителя/ и ересей посрамителя,/ премудраго Иосифа,/ российскую звезду,/ молящася Господу// помиловатися душам нашим.
Кондак преподобного Иосифа. глас 8:
Жития треволнения, и мятеж мирский,/ и страстная взыграния в ничтоже вменив,/ пустынный гражданин показался еси,/ многих быв наставник, Иосифе преподобне,/ монахов собратель и молебник верен, чистоты рачитель,// моли Христа Бога спастися душам нашим.
Молитва преподобному Иосифу Волоцкому
О преблаженне и приснославне отче наш Иосифе! Ведуще твое велие к Богу дерзновение и к твоему твердому заступлению прибегающе, в сокрушении сердца молим тя: озари нас светом дарованныя тебе благодати и молитвами твоими помози нам бурное море жития сего преити безмятежно и пристанища спасения неблазненно достигнути: порабощени бо суще суетными, и грехолюбиви, и немощни еже от обышедших нас зол возникнути, к кому прибегнем, аще не к тебе, явившему неоскудеваемое богатство милости в земнем житии твоем? Веруем же, яко и по отшествии твоем множайшее стяжал еси дарование милосердовати бедствующим. Темже убо, припадающе ныне к цельбоносней иконе твоей, умиленно просим тя, святче Божий: сам искушен быв, помози и нам, искушаемым; постом и бдением поправый силу демонскую, и нас от нападений вражиих защити; препитавый гладом погибающих, и нам испроси у Господа изобилие плодов земных и вся яже ко спасению потребная; посрамивый еретическая мудрования, Церковь Святую от ересей и расколов, и смущений молитвами твоими огради: да тожде мудрствуем вси, единем сердцем славяще Святую, Единосущную, Животворящую и Нераздельную Троицу, Отца и Сына и Святаго Духа, во вся веки. Аминь.
http://days.pravoslavie.ru/name/1055.htm
Житие и труды:
https://azbyka.ru/otechnik/Iosif_Volotskij/
http://iosif-vm.ru/reverend-iosif/slovo;
http://days.pravoslavie.ru/Life/life1765.htm