АНЁЛЫ ZET

Наш сьвет i сумны i вясёлы
Гамоняць школы,
Растуць касьцёлы
Сярод людзей жывуць анёлы
На нас з табою глядзяць анёлы

Падаюць зоркi
У палын горкi
Ходзяць анёлы па гетай зямлi
Век у анёла доўгi

Ты мне гаворыш, што будзе як сьлед
Будзе сьняданак i будзе абед
Будзе вячэра i будзе банкэт
Будзе багата прыгожых кабет

На нас з табой глядзяць анёлы
А мы з табою нiбы жывёлы
Мы прагна гойсаем наўкола
Па нашым сьледзе iдуць анёлы

Падаюць зоркi
У палын горкi
Ходзяць анёлы па гетай зямлi
Век у анёла доўгi

Ты мне гаворыш, што праўда ў вiне
Твар у салаце, абцас у дзярме
Ты мне гаворыш, дзярмо у цане
Сумна анёлы глядзяць на цябе

З нас кожны сумны i вясёлы
I вельмi моцны i вельмi кволы
Мы прагна гойсаем наўкола
Па нашым сьледзе идуць анёлы

Зямля няспынна круцiць колы
Лiюцца рэкi кока-колы
Сярод людзей жывуць анёлы
У нашы вочы глядзяць анёлы.