Глас 6.
День постный.

Разрешается рыба.
Сщмч. Поликарпа, еп. Смирнского (167).

Сщмчч. Алексия , Николая, Михаила пресвитеров и мч. Сергия (1938).

Прп. Александра монаха, начальника обители "Неусыпающих" (ок. 430). Прпп. Иоанна, Антиоха, Антонина, Моисея, Зевина, Полихрония, Моисея другого и Дамиана, пустынников Сирийских (V). Прп. Поликарпа Брянского (1620-1621).

Тропарь священномученика Поликарпа, епископа Смирнского
глас 4
И нравом причастник,/ и престолом наместник апостолом быв,/ деяние обрел еси, Богодохновенне,/ в видения восход./ Сего ради, слово истины исправляя,/ и веры ради пострадал еси даже до крове,/ священномучениче Поликарпе,/ моли Христа Бога,/ спастися душам нашим.
Кондак священномученика Поликарпа
глас 1
Плоды словесныя Господеви принося,/ Поликарпе мудре, добродетелей жертвы,/ темже и от Бога достоин иерарх прославился еси./ Сего ради днесь, просвещшеся твоими словесы,/ воспеваем твою достохвальную памятъ,// славяще Господа.
Кондак преподобного Поликарпа Брянского
глас 1
Ветрилом креста душевный корабль окормив,/ житейская красная оставил еси,/ и от мирскаго мятежа изшед,/ плотския похоти воздержанием многим, отче, умертвил еси,/ пощением и слезами, молитвами и песньми непрестанно прилепляяся Богу:/ темже и жилище достойно Духа Пресвятаго показался еси./ Моли, Поликарпе преподобне, Христа Бога/ оставление прегрешений даровати нам и велию милость.
Кондак преподобного Поликарпа Брянского
глас 4
Якоже отец духовно, князь чувственно,/ людем Российским явился еси, преподобне Поликарпе:/ мудрование бо и славу мирскую презрев,/ Божественным законом последовал еси,/ монахом же был твердое укрепление и светильник светел,/ темже восхваляюще честную память твою, зовем ти:/ моли Христа спасти и просветити души наша.