Икона Божией Матери Цареградская
17-10-2018 14:21
к комментариям - к полной версии
- понравилось!
Это цитата сообщения Ирлеза Оригинальное сообщение
Икона Божией Матери Цареградская
Это цитата сообщения Ирлеза Оригинальное сообщение
Икона Божией Матери Цареградская
День празднования: 30 сентября Молитва Божией Матери пред иконой Ее Цареградской К Тебе, Пресвятей Госпоже Богородице, недостойнии раби Твои прибегаем: читать далее Ты бо, Преблагая, едина незлобивая и велемощная к Сыну Твоему, Христу Богу нашему, за ны, грешныя, Ходатаица и Непостыдная Предстательница. Веси, яко зело преогорчихом благость Его преступлением Божественных Его заповедей. Несть бо греха, егоже мы, непотребнии, не сотворихом, всяк страх отвергши, того ради и Духа благодати и дара преестественнаго сыноположения отвергохомся и всякаго отвращения и казни достойни сотворихомся. Веси, Преблагая Заступнице, яко и Твоя милости и дарования мы, безумнии, забвению предахом и Твоего милосердия недостойни содеяхомся. Колико бо Тя, Госпоже Богородительнице, на умоление Сына Твоего и Бога нашего подвизахом, обещавше Ти, Пречистая, от злых исправление, толико Твое матернее к Нему за ны, грешныя, предстательство и заступление нивочтоже вменихом, неблагодарни и злонравни суще. Ныне стыд носяще и ниже достойни воззрети на пречистый образ Твой, пред нимже предстахом. Но, о свете душ наших, светлое зерцало благости Божия! И мы вемы, колико может Твое матернее ко Христу Богу нашему дерзновение, вемы, яко никтоже, прибегаяй к Тебе, Благосердая, с покаянием и умилением, посрамлен от Тебе бысть, или призываяй Тебе, Пречистая, не услышан от Тебе изыде: чтит бо Сын Твой Тя, Богоневесто, яко Матерь Свою, милостивно приемля моления Твоя. Сего ради и ужасаемся воззрети к Свету Твоея страшныя и Богоподобныя славы, осквернены имуще очи душевныя, обаче колена душ и телес наших преклоняюще, молим Тя, Боголепная Марие, яко Матерь и Царицу нашу: умилосердися на ны, непотребныя рабы Твоя, и, имиже веси судьбами, взыщи ны, погибшия, просвети наш ум светом Твоего Боговедения, да, им озарени суще, всякое злое помышление и всяк безстудных деяний образ до конца отсечем, всем же сердцем заповеди Господни возлюбим и в них непорочно ходити начнем. Еретическая возстания прекрати, разсеянныя же собери, заблуждшия возврати во едино стадо Сына Твоего, Христа Бога нашего, старость поддержи, юныя вразуми, вдовиц и сирот защити, болящия исцели, страну же нашу миром огради и во веки незыблему соблюди, всем же нам преспеяние в вере и делех благих в долготу дней даруй. Прежде отшедшия отцы и братию нашу во светлостех райских и селениих праведных упокой, с ними и нас всех в покаянии и исповедании приими и сопричти, да и мы, Преблагая наша Заступнице, Богомати и Владычице, спасени суще Твоим ходатайством, восхваляя Тя, прославим со всеми святыми пречестное и пресвятое Имя Отца и Сына и Святаго Духа, Единаго в Троице славимаго Бога, ныне, и присно, и во веки. Аминь. Тропарь Пресвятой Богородице пред иконой Ее Цареградская глас 1 Возсия нам, яко солнце светозарное от востока в велелепии./ Твоя, Владычице, икона,/ озаряющи чудес сиянием преславно всех, приходящих к ней с верою и любовию / и молящихся усердно к Твоему, еже о Сыне Твоем и Бозе, величию./ Слава Богу, Евфосином сию давшему нам!/ Слава Приведшему ю от Царьграда!/ Слава Дающему тою всем исцеления. Кондак Пресвятой Богородице пред иконой Ее Цареградская глас 8 Препрославленная Вышняго Матерь / созывает к песнопению нас Своего образа пришествием от Царьграда / и возбуждает зрением того на подвиг, / побеждати сопротивных силу / и к Ней, яко нашея радости виновней, пети: / радуйся, Невесто Неневестная. Величание чудотворной Цареградской иконе Божией Матери Величаем Тя, Пресвятая Дево Богоизбранная Отроковице и чтим образ Твой святый, имже точиши исцеления всем с верою притекающим. Молятся об избавлении от иноземного вторжения и о помощи во всевозможных житейских нуждах. Перед иконой Цареградской Божией Матери молятся с просьбой о душевном и телесном исцелении, а также с просьбой о придании душевных сил для преодоления неприятностей. В чем помогает икона Молитва перед Цареградской иконой Божией Матери поможет в душевном и телесном исцелении, придаст душевные силы для преодоления неприятностей, решения сложных и наболевших проблем. Написанная евангелистом Лукой Одигитрия – первообраз Цареградского образа – укажет путь – через Христа и Христову веру. |
Вы сейчас не можете прокомментировать это сообщение.
Дневник Икона Божией Матери Цареградская | Елена55 - МИР КРАСОТЫ |
Лента друзей Елена55
/ Полная версия
Добавить в друзья
Страницы:
раньше»