Владычице Пречистая, Царице, Мати Божия,
Радуйся, Невесто неневестная!
Святая Дево чистая, руно, росу приимшее,
Радуйся, Невесто неневестная!
Небес светлейших высшая, самих лучей светлейшая,
Радуйся, Невесто неневестная!
Девичьих ликов радосте, безплотных сил Святейшая,
Радуйся, Невесто неневестная!
Небесных высей Светлая, Всевышняго селение,
Радуйся, Невесто неневестная!
Марие приснохвальная, Владычице всепетая,
Радуйся, Невесто неневестная!

Подательнице кроткая надежды и покрова,
Радуйся, Невесто неневестная!
Чертоже приснодевственный, кивоте Бога Слова,
Радуйся, Невесто неневестная!
Отроковице тихая, виновнице спасения,
Радуйся, Невесто неневестная!
Благоуханный цвете пречистейшаго девства,
Радуйся, Невесто неневестная!
О, Славнейшая серафим и херувим Честнейшая,
Радуйся, Невесто неневестная!
Премирных ликов ангельских восторг и удивление,
Радуйся, Невесто неневестная!

Ты предстоиши Сыну у самаго Престола,
Радуйся, Невесто неневестная!
Твоей взыскую милости, Родительнице Слова,
Радуйся, Невесто неневестная!
О древо жизни вечныя, о Дево, Матерь Славы,
Радуйся, Невесто неневестная!
Молю Тя тепле, Чистую, Преосвященный Храме,
Радуйся, Невесто неневестная!
Очисти мя, избави мя греховныя пучины,
Радуйся, Невесто неневестная!
Вручи мя милосердию Божественнаго Сына,
Радуйся, Невесто неневестная!

Радуйся, Невесто неневестная!