Благодарственные молитвы

В традиции православной издавна принято не только просить о чем‑то Силы Небесные, но и благодарить за успех любого дела.

Всех, кто обращается к Нему с просьбами о помощи, Всевышний слышит. И рано или поздно придет или решение проблемы или указание на тот путь, который к этому решению приведет. И как только такое случается, нужно благодарность Господу вознести. Не забывайте быть благодарными и обязательно читайте эти молитвы, как только случится в вашем доме какая‑нибудь радость.

Царю Небесный, Утешителю

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Тропарь, глас 4‑й

Благодарни суще недостойнии раби Твои, Господи,о Твоих великих благодеяниих на нас бывших, славяще Тя хвалим, благословим, благодарим, поем и величаем Твое благоутробие, и рабски любовию вопием Ти: Благодетелю Спасе наш, слава Тебе.

Кондак, глас 3‑й

Твоих благодеяний и даров туне, яко раби непотребнии, сподобльшиеся, Владыко, к Тебе усердно притекающе, благодарение по силе приносим, и Тебе яко Благодетеля и Творца славяще вопием: слава Тебе, Боже Всещедрый.

Слава Отцу и Сыну и Святому Духу. И ныне и присно и во веки веков. Аминь.

Богородице

Богородице, христианом Помощнице, Твое предстательство стяжавше раби Твои, благодарно Тебе вопием: радуйся, Пречистая Богородице Дево, и от всех нас бед Твоими молитвами всегда избави, Едина вскоре предстательствующая.

Молитва по окончании всякого дела

Исполнение всех благих Ты еси, Христе мой, исполни радости и веселия душу мою и спаси мя, яко Един Многомилостив. Господи, слава Тебе.