ИЗ ПВЛ

А Древляне живяху звериньскимъ образомъ, живуще скотьски: убиваху другъ друга,ядяху всё нечисто, и брака и нихъ не бываше, но умикиваху у воды девиц. И Радимичи, и Вятичи, и Северъ один обычай имяху: живяху в лесехъ, якоже и всякий зверь, ядуще всё нечисто, и срамословье в нихъ предъ отьци и предъ снохами, и браци не бываху въ нихъ, но игрища межю селы, схожахуся на игрища, на плясанье и на вся бесовьская игрища, и ту умыкаху жены собе, с нею же кто съвещашеся; имяху же по две и по три жены. И аще кто умряше, творяху тризну надъ нимъ, мертвеца сожьжаху, и посемь собравши кости, вложаху в судину малу, и поставляху на столпе на путехъ, еже творят Вятичи и ныне; си же творяху обычая Кривичи и прочии погании, не ведуще закона Божья, но творяще сами собе законъ.