Спаси, Господи, и помилуй отца моего духовного. Прости ему вся согрешения, не осуди, не истяжи его ради греховной жизни моей, умножи в нем дарования духовныя, открый ему вся моя прегрешения, исполни его мудростию, молитвою и любовию, и, ради его святых молитв, даруй моим грехам прощение, жизни исправление, в добродетелях преуспеяние и ниспосли ему милости Твоя богатыя, сподоби его, Господи, в день сей (или вечер) без греха сохранитися, побори его враги плотские и бесплотные и от видимых врагов избави его, и изми его от человека льстива и от мужа неправеднаго, соблюди паству его до конечного его издыхания и дай ему с покаянием придти к тихой и безмятежной жизни; помяни, посети, укрепи и сохрани его на многая лета ради нас грешных.

О, Сладчайший Иисусе, Господи, безмерно свят, безмерно праведен, безмерно милосерд. Ты, Господи, освяти Твоею святынею отца моего духовного и оправдай его Твоею праведностью, и покрый его Твоим милосердием. Господи, Ты соединил нас на земле и не разлучи нас и в Небесном Царствии Твоем, и его святыми молитвами прости меня великого грешника (или великую грешницу), прости всех его духовных чад. Аминь.