Туман скрозь агні гарадоў,
Агні скрозь аблокі туману-
Туман ад машын і агнёў,
Машыны ў туманавым змане.

З фундаменту скочыш на дах
Ці з даху зірнеш на фундамент -
Убачыш туман ў гарадах
Альбо гарады ў тумане.

Дарогі,агні, гарады.
І мы - мураўі або богі?
Мільёны - па кроплю вады,
Адзінкі - па цэлыя моры.

Фундамент без даху - не гмах,
Падсветка - агні без туману;
Стаха без фундаменты - крах,
Туман без агнёў дымка зману.

Заб'ецца ў вушах пульс машын...
Цудоўна абняць панараму!
І з даху, што ў доме тваім,
Угледзець агеньчык туману.