Не дражніце

Нашы маленькія сэрцы
Забіліся ў першы раз..
Нарадзіліся, каб не памерці
у гэты шалёны час.
Перакрэсліўшы нараджэннем
Чырвань савецкіх сцягоў,
Мы нясем у сваім пакаленні
Крыўду бацькоў і дзядоў,
І цяжар постсавецкай краіны,
І вятры першых вольных гадоў -
НАм дазволілі быць чужымі
на руках уласных бацькоў.
Мы прывыклі да помнікаў Леніну
і да "Поднятой целіны".
Каштоўнасці вычварна зменены
Без вашай і нашай віны.
Нарадзіліся ў блытаніне
З дзікай свабодай у душы.
Мы не верым сваёй краіне,
Што прадалі на кірмашы.
Не дражніце нас перабудовай
І забытым чырвоным светам -
нас, народжаных з крыкам новым
На парадзе суверэнітаў.